Ралосин (60 мг)

РАЛОСИН

Ралоксифен

Үлбірлі қабықпен қапталған 60 мг таблеткалар

Бір таблетканың құрамында

белсенді зат – 60 мг ралоксифен гидрохлориді,

қосымша заттар: полисорбат 80, повидон (К-30), глицин, кросповидон, микрокристалды целлюлоза, магний стеараты, сусыз коллоидты кремнийдің қостотығы, тазартылған су

Қабығы Опадрай ақ 12В580000: гипромеллоза 5 сР, титанның қостотығы (Е171), макрогол (ПЭГ 400), карнауб балауызы, полисорбат 80

Ақ немесе ақ дрлік түсті үлбірлі қабықпен қапталған, екі жақ беті дөңес, сопақша пішінді, бір жақ бетінде «С» және басқа жақ бетінде «12» жазуы бар таблеткалар.

Урогенитальді ағзалар ауруларын емдеуге арналған препараттар және жыныстық гормондар. Басқа да жыныстық гормондар. Эстрогендік рецепторлардың селективті модуляторлары. Ралоксифен.

АТХ коды G03XC01

Фармакокинетикасы

Ралоксифен көбіне нәжіспен шығарылады. Дозаның 6%-дан азы несеппен бірге глюкуронды конъюгаттар түрінде шығарылады. Цирроздан және бауыр функциясының жеңіл жеткіліксіздігінен зардап шегіп жүрген пациенттерде ралоксифеннің плазмадағы концентрациясы шамамен 2,5 есеге артады және билирубин концентрациясымен өзара байланысты болады.

Фармакодинамикасы

Эстрогенді рецепторлардың селективті модуляторы болатын ралоксифен эстроген – сезімтал тіндерге қатысты селективті агонист немесе селективті антагонист болып табылады. Эстрогендік рецепторлардың агонисі ретінде, препарат гипоталамусқа, жатырға және сүт бездеріне емес, сүйек тініне және ішінара холестерин метаболизміне әсер етеді (жалпы холестериннің және тығыздығы төмен липопротеидтердің (ТТЛП) деңгейін төмендетеді). Гормондарды (жыныстық, тироксин, кортикостероидтар) байланыстыратын глобулиндердің концентрациясын, бос фракция деңгейін арттырусыз, олардың жиынтық мөлшерінің бір мезгілде жоғарылауымен бірге, арттырады.

Менопаузадан кейінгі кезеңде сүйектің резорбциясын қалыпқа келтіреді (сүйек тінінің салмағы арттырады), несеп шығару жүйесі арқылы кальцийдің жоғалуын төмендетеді. Жалпы холестеринді, ТТЛП фракциясындағы холестеринді, сарысу фибриногенін, Lp(a) азайтады және ЛПВП-C2 субфракциясының концентрациясын арттырады. Эндометрийдің, сүт бездері тіндерінің пролиферациясын стимуляцияламайды, сүт бездері обырының даму қаупін төмендетеді.

Қазіргі деректер эстрогендік рецепторлар гендердің экспрессиясын, ең жоқ дегенде, лиганд-, тіндік және/немесе гендік спецификалығы бар әртүрлі екі механизммен реттеуге қабілетті екендігін көрсетеді.

Постменопаузада эстрогендер мөлшерінің төмендеуі сүйек тіні резорбциясының едәуір күшеюіне, сүйек затының жоғалуына және сынулар қаупінің ұлғаюына әкеледі. Сүйек заттарының жоғалуы менопаузаның алғашқы 10 жылы ішінде, сүйек заттарының компенсаторлы артуы резорбция қарқынына сәйкес келмейтін кезде аса қарқынды түрде жүреді. Остеопороздың даму қаупінің басқа факторлары ерте менопауза, остеопения (сүйектің ең жоғары шектегі салмағының стандартты ауытқудан кем дегенде 1-ге төмендеуі, (SD) ауытқуы), тұлабойдың арықтауы, еуропалық немесе азиялық этникалық топтарға жатуы, сондай-ақ отбасылық остеопороз жағдайлары болып табылады. Орнын алмастыратын гормональді ем көптеген жағдайларда сүйек заттарының шамадан тыс резорбциясына жол бермейді. Остеопороздан зардап шегіп жүрген климакстен кейінгі кезеңдегі әйелдерде препаратты қабылдау омыртқаның сыну жиілігінің төмендеуіне әкеледі, сүйек кемігінің сақталуына және сүйектің минералды тығыздығының (СМТ) артуына мүмкіндік береді.

Қауіп факторларының негізінде, ралоксифенді остеопороздың профилактикасы үшін тағайындау, омыртқа СМТ көрсеткіштері орташа қалыпты мәнінен 1,0 - 2,5 SD шегінде болатын, менопауза ұзақтығы он жыл шегіндегі әйелдерде, оларда остеопороздан болатын сынулардың жоғары қаупін ескеріп, көрсетілген. Бұдан басқа, ралоксифен омыртқаның СМТ орташа қалыпты мәнінен 2,5 SD төмен және/немесе омыртқалардың сыну мәндеріне тәуелді емес әйелдерде остеопорозды емдеу үшін көрсетілген.

Кальций препараттарын және D дәруменін қабылдау аясында ралоксифенді постменопаузальді кезеңдегі, остеопороздан немесе сынумен асқынған остеопороздан зардап шегіп жүрген әйелдерге тағайындау омыртқаның сыну жиілігінің, сәйкесінше, 47%-ға және 31%-ға төмендеуіне әкеледі. Басқа сүйектердің сынуларының дамуына ықпалы байқалмады.

Ралоксифенді кальций препараттарымен бірге қабылдау ортан жілік және омыртқаның минералды тығыздығының, сондай-ақ сүйек тінінің минералды тығыздығының едәуір артуына әкеледі.

Ралоксифен және эстроген сүйектердің ремоделденуіне және кальцийдің метаболизміне бірдей ықпал етеді. Ралоксифенді күніне 60 мг дозада қабылдау сүйек резорбциясын басады және кальцийдің несеппен бірге шығуының азаюы салдарынан кальцийдің теңгерімін орташа арттырады.

Ралоксифенді қабылдаған кезде сүйек тіндерінде гистологиялық өзгерулер байқалмайды. Бұдан басқа, жарғашалық ретикулофиброзды сүйек тіндерінің түзілу белгілері, минералданудың бұзылулары және сүйек кемігінің фиброзы жоқ.

Ралоксифенді қабылдаған кезде сүйектер резорбциясы қарқындылығының төмендеуі несептегі және қандағы сүйек метаболизмі маркерлері деңгейлерінің төмендеуімен, сондай-ақ сүйектердің резорбциясының радиологиялық зерттеу деректері бойынша азаюымен, СМТ артуымен және сынулар жиілігінің төмендеуімен көрініс береді.

Липидтердің алмасуына ықпалы және жүрек-қантамырлық бұзылулардың даму қаупі

Ралоксифенді күніне 60 мг дозада қабылдау жалпы холестериннің және ТТЛП едәуір төмендеуіне әкеледі. Холестериннің бастапқы деңгейі өте жоғары болатын әйелдерде оның айқынырақ төмендеуі байқалады. ТТЛП және концентрация триглицеридтердің концентрациясы айтарлықтай өзгермейді. Ұзақ (3 жыл бойы) қабылдау аясында ралоксифен фибриногеннің деңгейін төмендетеді. Тромбоэмболия дамуының ең жоғары қаупі емдеудің алғашқы төрт айында байқалады.

Эндометрийге ықпалы

Трансвагинальді ультрадбыстық зерттеу деректері бойынша, климакстен кейінгі кезеңде әйелдердегі эндометрийге ралоксифеннің стимуляциялаушы ықпалы байқалған жоқ. Ралоксифен былғайтын бөлінділердің, жатырлық қан кетулердің немесе эндометрий гиперплазиясының жиілігін арттырмайды. Биопсия нәтижелері бойынша ралоксифенмен емделу аясында эндометрий пролиферациясы және жатыр көлемінің ұлғаюы байқалған жоқ.

Ралоксифенді ұзақ қабылдау эндометрий обырының немесе аналық без обырының даму қаупінің артуына әкелмейді, сондай-ақ эндометрийдің қатерсіз полиптерінің даму жиілігі артпайды.

Сүт бездеріне ықпалы

Ралоксифен сүт бездеріне стимуляциялайтын әсер бермейді (сүт бездерінің ісінуі және аурушаңдығы білінген жоқ).

Ралоксифенді қабылдау климакстен кейінгі кезеңде пациенттердің сүт бездері обырының жаңа жағдайларының туындауының салыстырмалы қаупін 64%-ға төмендетеді. Сүт бездерінің эстроген-оң инвазиялық обыры дамуының жалпы қаупі 80%-ға төмендейді. Ралоксифенді қабылдау сүт бездерінің эстроген-тері карциномасының даму қаупіне ықпалын тигізбейді.

Ралоксифеннің сүт бездері обырының дамуына кейіннен ықпалы зерттелген жоқ.

Когнитивтік функцияларға ықпалы

Когнитивтік функцияларға қатысты жағымсыз әсерлер байқалған жоқ.

- постменопаузальді кезеңде әйелдердегі остеопорозды емдеу және профилактика жүргізу үшін

Тамақ ішуге қарамай, тәуліктің кез келген уақытында күніне 1 рет 1 таблеткадан.

Препаратты егде жастағы пациенттерге тағайындағанда дозаны түзету қажет емес. Ауру барысының ерекшеліктері препаратты ұзақ қабылдау қажеттілігіне себеп болады.

Әдетте кальцийді және D дәруменін жеткіліксіз мөлшерде қабылдап жүрген әйелдерде аталған заттарды қосымша тағайындау қажет.

Препаратты қолданумен байланысты жағымсыз реакциялар төменде берілген. Жиілігі былайша белгіленген: өте жиі (≥ 1/10); жиі (≥ 1/100, < 1/10); жиі емес ( ≥ 1/1 000, < 1/100); сирек (≥1/10 000, < 1/1 000); өте сирек (< 1/10 000).

Өте жиі

- вазодилатация (қан кернеулер, препаратты қабылдаудың алғашқы 6 айы ішінде жиі байқалады)

- жүректің айнуы, құсу, іштің ауыруы, диспепсия

- тұмау тәрізді синдром

- артериялық қысымның жоғарылауы

Жиі емес

• тромбоцитопения

• фатальді инсульт

- тромбоэмболия, тереңдегі және беткейлік веналардың, көздің торқабығы веналарының тромбозы, өкпе веналарының эмболиясы

- артериялық тромбоэмболиялық реакциялар

Жиі

- бас ауыру, бас сақинасын қоса

- бөртпе

- сүт бездерінің ауыруы, ұлғаюы, сезімталдығы

- балтыр бұлшықеттерінің құрысулары

- шеткері ісінулер

- ACT (аспартаминотрансфераза) және/немесе АЛТ

(аланинаминотрансфераза) деңгейлерінің жоғарылауы.

- холелитиаз

- ралоксифенге немесе препараттың басқа да компоненттеріне аса жоғары сезімталдық

- холестазды қоса, бауыр функциясының бұзылуы

- тромбоэмболия

- өкпе артерияларының эмболиясы және торқабық веналарының тромбозы, тереңдегі веналар тромбозы, соның ішінде анамнезінде

- холестазды қоса, бауыр функциясының жеткіліксіздігі

- бүйрек функциясының ауыр жеткіліксіздігі

- этиологиясы анықталмаған жатырлық қан кетулер

- эндометрий обырының белгілері немесе симптомдары

- бала туа алатын жастағы әйелдер

- жүктілік, лактация

- ұзақ иммобилизация

Құрамында кальций карбонаты немесе алюминий және магний гидроксиді бар антацидтермен бір мезгілде тағайындау ралоксифеннің жүйелік әсеріне ықпалын тигізбейді.

Ралоксифенді варфаринмен бір мезгілде тағайындау препараттардың бірде-біреуінің фармакокинетикасына ықпалын тигізбейді, алайда протромбин уақытының аздаған қысқаруы байқалды. Осыған байланысты, ралоксифенді варфаринмен немесе кумариннің басқа туындыларымен біріктіріп тағайындағанда протромбин уақытының өзгеруін бақылаған жөн. Егер антикоагулянттқ препараттарды, кумарин туындыларын қабылдап жүрген пациенттер РАЛОСИН препаратын қабылдай бастаса, онда протромбин уақытына ықпалы бірнеше аптаның шінде дамуы мүмкін.

РАЛОСИН препаратын қабылдау бір реттік дозада қабылданған метилпреднизолонның фармакокинетикасына ықпалын тигізбейді.

Ралоксифен дигоксиннің концентрациясына ықпалын тигізбейді. Ралоксифенді қабылдаған кезде дигоксиннің Сmах (ең жоғары концентрациясы) 5%-дан азға артады.

РАЛОСИН препаратын қабынуға қарсы стероидты емес дәрілермен (парацетамол, ацетилсалицил қышқылы, ибупрофен және напроксен), пероральді түрде қабылдауға арналған антибиотиктермен, И1-антагонистерімен, Н2-антагонистерімен, сондай-ақ бензодиазепиндермен бір мезгілде қабылдау плазмадағы ралоксифен концентрациясына клиникалық тұрғыдан маңызды ықпалын тигібейді.

Қынаптың шырышты қабатының атрофиясын емдеу қажет болғанда қынаптық қолдану үшін құрамында эстрогендері бар препараттармен бірге тағайындауға жол беріледі. Мұндайда құрамында эстрогені бар препараттарды пайдалану жиілігі артпайды.

In vitro ралоксифен варфариннің, фенитоиннің және тамоксифеннің плазма ақуыздарымен байланысуына ықпалын тигізбейді.

Ралоксифенді холестираминмен (және басқа да анионалмастыратын шайырлармен) бірге тағайындамаған жөн, ол ралоксифеннің сіңуін және ішек-бауырлық кері айналымын едәуір азайтады.

Ралоксифеннің ең жоғары концентрациясы препаратты ампициллинмен бірге қабылдағанда төмендейді. Алайда, ралоксифеннің сіңуіне және шығарылу жылдамдығына ықпалын тигізбейтін болғандықтан, препараттар бірге қабылдануы мүмкін.

Ралоксифенді қабылдау жыныстық стероидтармен байланысатын глобулиндердің, тироксинмен байланыстыратын глобулиннің және кортикостероидтармен байланыстыратын глобулиннің концентрацияларын қоса, гормондармен байланыстыратын глобулиндер концентрацияларының аздаған жоғарылауына әкеледі, бұл гормондардың жалпы концентрацияларының артуымен қатар жүреді. Осы өзгерулер бос гормондардың концентрациясына ықпалын тигізбейді.

Анамнезінде инсульті немесе инсульттің даму қаупінің (ми қан айналымының өткінші ишемиялық бұзылулары немесе жүрекшелердің фибрилляциясы сияқты) факторлары бар әйелдерде ралоксифенді қолданудың пайдасы мен қаупінің мұқият арақатынасы қажет. Ралоксифенмен емдеу аясында клиникалық зерттеу деректері бойынша, плацебо қабылдаған кезде жылына 1000 әйелге шаққанда 1,5 өліммен аяқталумен салыстырғанда, инсульттан өлімнің жоғарылауы – жылына 1000 әйелге шаққанда 2,2 өліммен аяқталатыны байқалды.

Ралоксифенді қолдану қазіргі гормонның орнын алмастыратын препараттарды қолданған кездегідей, веналар тромбозының даму қаупінің жоғарылауымен байланысты. Ралосин препаратын қабылдауды пациенттің ауруларында немесе ұзақ уақыт қимылсыздығымен қатар жүретін жағдайларында тоқтатқан жөн. Ауру пайда болған кезде препарат қабылдауды иммобилизация ықтимал болғанда тезірек немесе иммобилизациядан 3 күн бұрын тоқтатқан жөн. Препаратты қабылдауды оны тоқтатуға себептер жойылмайынша және пациенттің белсенділігі толық қалпына келмейінше қайта жаңғыртпаған жөн.

Ралоксифен эндометрийдің пролиферациясын туындатпайды. Ралосинді қабылдау жатырлық қан кетулердің дамуымен қатар жүрмеуі тиіс. Ралосинді қабылдау кезеңінде кез келген жатырлық қан кетулер пайда болғанда қан кетудің себептерін анықтау үшін маманның кеңесі қажет. Ралоксифенді қабылдау кезеңінде жатырлық қан кетудің өте жиі себептері эндометрийдің атрофиясы және эндометрийдің қатерсіз полиптері болып табылады.

Ралоксифеннің метаболизмі негізінен бауырда жүреді. Цирроздан және бауыр функциясының жеңіл жеткіліксіздігінен зардап шегіп жүрген пациенттер ралоксифенді бір реттік қабылдағанда препараттың плазмадағы концентрациясы, бақылау тобындағы пациенттердегіге қарағанда, шамамен 2,5 есе жоғары болды. Ралоксифен концентрациясының артуы жалпы билирубин концентрациясымен өзара байланысты. Бауыр функциясының жеткіліксіздігінен зардап шегіп жүрген пациентте препаратты қолданудың қауіпсіздігі және тиімділігі зерттелмеген күйінде қалғанға дейін, Ралосинді пациенттердің осы санатына тағайындау ұсынылмайды. Жалпы билирубин, гаммаглутамилтрансфераза, сілтілік фосфатаза, АЛТ және АСТ деңгейлеріндегі өзгерулерді, егер емдеу барысында аталған көрсеткіштердің жоғарылауы байқалса, мұқият бақылаған жөн.

Анамнезінде пероральді эстрогенді препараттарды қабылдаудан болған гипертриглицеридемиясы (>5,6 ммоль/л), бар пациентте ралоксифенді қабылдау триглицеридтер деңгейінің әрі қарай жоғарылауына әкелуі мүмкін. Осындай анамнезі бар пациентте ралоксифенмен емдеу кезеңіндегі триглицеридтердің деңгейін бақылаған жөн.

Сүт безінің обырынан зардап шегіп жүрген пациенттерде Ралосинді қабылдаудың қауіпсіздігі жеткіліксіз зерттелген. Ралосинді және сүт бездерінің ерте немесе жайылған сатыларындағы обырын емдеу үшін пайдаланылатын препараттарды бірге тағайындау жөніндегі деректер жоқ. Осыған байланысты Ралосин препараты сүт безінің обырын емдеуді (адъювантты емдеуді қоса) аяқтағаннан кейін ғана остеопороздың профилактикасы және емі үшін тағайындалуы тиіс.

Ралоксифенді және жүйелік эстрогендерді қолдану тәжірибесі жоқ болғандықтан, осы препараттарды бір мезгілде тағайындау ұсынылмайды.

Еркектерде ралоксифенді қабылдау үшін көрсетілімдер жоқ.

Ралосин эстрогендердің тапшылығынан қан кетулерде және постменопаузаның басқа да симптомдарында тиімді емес.

Ұсынылған дозаларды арттырмаған жөн.

Эстрогендермен біріктіріп қолдану ұсынылмайды.

Көлік құралын немесе потенциалды қауіпті механизмдерді басқару қабілетіне дәрілік заттың ықпал ету ерекшеліктері

Байқалған жоқ.

Симптомдары: аяқтардың құрысуы және бас айналу.

Препараттың артық дозалануы осы уақытқа дейін байқалған жоқ. Препараттың артық дозалануымен байланысты өліммен аяқталу сипатталған жоқ. 120 мг-ден астам ралоксифенді бір рет қабылдаған пациенттерде аяқтардың бұлшықеттерінің құрысулары және бас айналу болғаны сипатталған. Кейбір жағдайларда артық дозалану жағымсыз құбылыстардың дамуымен қатар жүрген жоқ.

Ралоксифен гидрохлориді үшін спецификалық антидот жоқ.

Емі: асқазанды шаю және сорбенттер тағайындау.

Шығарылу түрі және қаптамасы

Алюминий фольгадан жасалған пішінді ұяшықты қаптамаға 7 таблеткадан салынған.

Пішінді 2 немесе 4 қаптама медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынған.

25ºС-ден аспайтын температурада сақтау керек.

Балалардың қолы жетпейтін жерде сақтау керек!

2 жыл

Жарамдылық мерзімі өткеннен кейін қолдануға болмайды.

Рецепт арқылы

«Evertogen Life Sciences Limited», Плот Но. S-8, S-9, S13 (Партли) & S-14

Фарма СЕЗ, АПИИК, Грин Индастриал Парк, Полепалли (В), Джадчерла (М), Махабубнагар Дист. Телегана Стэйт , Үндістан –509 301

«Organosyn Life Sciences Private Limited», С-88, КИРТИ

НАГАР, НЬЮ ДЕЛИ – 110015, Дели, Үндістан

Тұтынушылардан өнім (тауар) сапасы жөніндегі шағымдарды Қазақстан Республикасы аумағында қабылдайтын және тіркеуден кейін дәрілік заттың қауіпсіздігін бақылауға жауапты ұйымның мекенжайы

«Organosyn Life Sciences Pvt. Ltd.” (Органосин Лайф

Сайенс Пвт. Лтд.)» Қазақстан Республикасындағы өкілдігі

050040, Қазақстан Республикасы, Алматы қ., Бостандық ауд., Көктем-1 ы/ауд., 15А үй, 603 кеңсе, тел: +77273560278, факс: +77273560279,

e-mail: patientsafety.kz@organosyn.com